Kartöflustöppugratin með hvítlauk
Uppruni
Þessi réttur er bæði góður og þægilegur til að hafa sem meðlæti. Þegar hvítlaukur er soðinn mildast bragðið af honum þannig að það er langt í frá að það sé yfirgnæfandi hvítlauksbragð heldur bara mildur og góður hvítlaukskeimur. Hægt er að útbúa gratinið fyrr og þá er bara eftir að baka hann aðeins í ofni. Passar með ýmsum kjöt- og fiskréttum eins og t.d. Blálöngu úr Vesturbænum.
Forvinna
Upplagt að gera réttinn tilbúinn fyrr um daginn.
Hráefni
- 1 – 1,2 kg kartöflur
- 1 – 1½ hvítlaukur – smekksatriði en mér finnst gott að hafa mikið af honum
- 50 – 100 g smjör
- 1 dl matreiðslurjómi eða rjómi
Verklýsing
- Kartöflur flysjaðar eða ekki – smekksatriði hvort hýðið fær að fljóta með
- Hvítlauksrifin flysjuð
- Kartöflur og hvítlauksrif sett í pott með vatni og suðan látin koma upp – soðið á meðalhita í 20 mínútur
- Kartöflur maukaðar ásamt hvítlauknum. Smjör og rjóma bætt saman við og blandað saman
- Ofninn hitaður í 180°C (blástur)
- Kartöflustappan sett í edlfast fat (eða Hönnupott) og inn í ofn – með loki eða án. Fallegt að fá smá lit á stöppuna