Einfalt og súpergott
Uppruni
Enn og aftur kemur ný útgáfa af brownies enda bæði einfalt og gott að baka til að hafa í eftirrétt eða ef gesti ber að garði. Það er smekksatriði hvort kakan er betri nýbökuð eða eftir að hafa verið sett í kælinn. Ef hún er kæld er auðveldara að skera hana í bita og bjóða upp á hana þannig, með rjóma eða vanilluís.
Hráefni
Deig
- 225 g smjör
- 240 g suðusúkkulaði
- 6 egg
- 3 dl sykur
- 3 dl hveiti
- 6 msk kakó
- 8 – 10 kókosbollur
Verklýsing
- Ofninn hitaður í 130°C á blæstri
- Smjör og súkkulaði brætt saman yfir vatnsbaði á lágum hita
- Egg og sykur þeytt þar til hræran verður létt og ljós
- Hveiti og kakó sigtað saman og blandað út í eggjahræruna – blanda saman með sleikju
- Súkkulaði- og smjörblöndunni hellt saman við deigið – hrært varlega saman með sleikju
- Kókosbollur skornar í bita og settar út í
- Deigið sett í form (35×24 cm) með bökunarpappír í botninum – best að hafa formið rúmlega hálft og baka í 32 – 37 mínútur. Flestir á heimilinu eru sammála um að kakan sé best þegar hún er svolítið blaut þ.e. ekki of mikið bökuð – baka hana yfirleitt í 32 mínútur. Ef formið er minna og hærra þarf að baka hana aðeins lengur
- Kakan látin kólna – þá er auðveldara að skera hana í bita
- Borið fram með rjóma eða vanilluís
