Súkkulaðimús - hin eina og sanna
Uppruni
Þessi uppskrift kemur upprunarlega frá veitingastaðnum Arnarhóli. Hún varð síðan fastur eftirréttur á jólaborðinu hjá mömmu.
Forvinna
Best er að gera sjálfa súkkulaðimúsina daginn áður.
Hráefni
- 5 dl rjómi – þeyttur
- 5 eggjarauður – þeyttar
- 400 g suðusúkkulaði – brætt í vatnsbaði
- 1 dl rjómi – þeyttur
Verklýsing
- Súkkulaðið brætt í vatnsbaði (skál með súkkulaðinu sett ofan á pott með vatni í) – gæta þess að vatnið bullsjóði ekki svo að það komist ekki í súkkulaðið
- Rjómi þeyttur
- Súkkulaðiskálin tekin af pottinum og súkkulaðið látið aðeins jafna sig í 5 – 10 mínútur. Eggjarauður pískaðar og hrært saman við súkkulaðið
- Rjóma bætt við súkkulaðið með sleikju – litlu í einu og blandað varlega saman við
- Hellt í form og látið í kæli í nokkra klukkutíma eða yfir nótt
- Til að ná súkkulaðimúsinni úr forminu er ráð að setja formið örstutt í heitt vatnsbað
Meðlæti
Skreytt með ávöxtum og rjóma. Þeyttur rjómi er ómissandi.
