Uppruni
Nú erum við að ræða um einfaldasta rétt allra tíma. Við þurfum eingöngu tvö hráefni… úrbeinuð kjúklingalæri og kjúklingakrydd. Svo þarf bara eitt stykki pott sem þolir að fara í ofn en þá nota ég leirpottana mína. Með því að elda kjúklinginn með lokinu á helst rakinn vel og sósa myndast sem þykir góð. Eldunartíminn er lengri, en það gerir nú lítið til … á meðan eru hrísgrjón soðin og salat útbúið.
Hráefni
- 800 g úrbeinuð kjúklingalæri
- Kjúklingakrydd
Verklýsing
- Ofninn hitaður í 180 – 200°C (blásturstilling)
- Kjúklingalærin krydduð á báðum hliðum og sett í pottinn (sjá myndband) – þeim er raðað þannig að þau liggi ekki ofan á hvert öðru
- Lokið sett á og inn í ofn í 45 mínútur
- Borið fram með hrísgrjónum og fersku salati
