Lúsíukrans - jólalegur og góður
Uppruni
Samverustund við bakstur getur verið svo skemmtileg og nærandi. Í jólaundirbúningnum er gaman að baka lúsíukrans eða lúsíubollur með yngri kynslóðinni. Þeim finnst gaman að hálpa til og borða svo afraksturinn með bestu lyst. Á heimilinu er þetta ómissandi hluti í aðvenntunni.
Forvinna
Hægt er að setja aðeins minna af geri í deigið og láta fyrstu hefingu verða í kæli yfir nótt.
Hráefni
Verklýsing
- Mjólk og smjör hitað í potti (best að bræða smjörið fyrst og hella mjólkinni út í). Eggið sett út í – blandað saman. Þá ætti blandan að vera mátulega heit en hún á að vera 37°C eða aðeins lægri (sjá: Gerbakstur – góð ráð). Ath. blandan má alls ekki vera heitari en 37°C
- Saffran steytt í morteli ásamt sykurmola eða aðeins af sykrinum
- Ger, salt, saffranmulningur og sykur sett í skál og blandað saman. Mjólkurblöndunni hellt í – blandað saman þar til allt leysist upp
- Helmingur af hveiti settur í skálina – blandað saman með sleikju
- Afgangi af hveiti bætt við og hnoðað þar til deigið verður þannig að hægt sé að koma við það án þess að það klístrist við fingurna – betra að hafa það aðeins blautara en of þurrt
- Látið hefast í 45 – 60 mínútur eða þar til það hefur tvöfaldað stærð sína – klútur settur yfir skálina. Sett á stað þar sem ekki er trekkur
- Deigið sett á hveitistráð borð og skipt í 3 jafna hluta
- Mótaðar lengjur – einnig má taka hluta og gera litlar bollur úr þeim. Gott að hafa lengjurnar jafnlangar – lengjurnar fléttaðar saman og hringur mótaður (sjá myndband)
- Kransinn settur í ofnskúffu með bökunarpappír og látinn hefast með klút yfir í 30 – 45 mínútur
- Ofninn hitaður í 225°C (yfir- og undirhiti)
- Penslað með hrærðu eggi og skreytt með perlusykri og/eða möndlum
- Bakað í ofni í 20 – 25 mínútrur. Ef kransinn er þykkur þarf hann alveg 25 mínútur – þá er gott að setja bökunarpappír eða álpappír yfir þegar hann er farinn að dökkna
Einnig hægt að búa til hjarta