Einföld og fljótleg súkkulaðibomba
Uppruni
Þetta er smá tilraun í pottunum mínum – eiginlega má segja að kökubakstur gerist ekki einfaldari og barnvænni. Hann Hugi er að taka sín fyrstu skref i eldhúsinu og er þetta eitt af hans uppáhaldi enda mikill sætindamaður. Hægt er að gera mismunandi útgáfur af þessum rétti – um að gera að nota hugmyndaflugið og nota það sem hverjum og einum finnst best. Eins og svo oft áður er uppskriftin komin frá ungfrú Birtu.
Hráefni
- 100 g púðursykur
- 100 g sykur
- 100 – 125 g smjör – við stofuhita
- 1 tsk vanillusykur
- 1 egg
- 1 tsk lyftiduft
- 150 g hveiti
- ½ tsk salt
- 170 – 175 g suðusúkkulaði – saxað
- ½ – 1 dl af litlum smarties eins og Síríus súkkulaðiperlur (má sleppa)
Verklýsing
- Ofninn hitaður í 175°C (blástur)
- Sykur og smjör hrært saman
- Vanillusykri og eggi bætt út í
- Þurrefni sett út í og hrært aðeins
- Að lokum er súkkulaðibitunum bætt við og hrært með sleikju
- Deigið sett í leirpott eða eldfast mót (sem rúmar 8 – 10 dl) og smartiesperlunum dreift yfir
- Bakað í 20 – 25 mínútur (ekki með lokinu)
Deig í vinnslu
Dæmi um mismunandi útgáfur …
Með suðusúkkulaði..
Með suðusúkkulaði og hvítum súkkulaðidropum ofan á…
Með suðusúkkulaði og Síríus súkkulaðiperlum ofan á
Örugglega gott að setja suðusúkkulaði og aðeins af hnetum líka…
