Eplapæ í leirpotti – gerist bara ekki einfaldara

Einfalt eplapæ í leirpotti

  • Servings: 4 - 5
  • Difficulty: auðvelt
  • Print

Uppruni

Enn og aftur er ég að prófa mig áfram með leirpottana mína. Þessi uppskrift er sáraeinföld og þori ég að fullyrða að allir geti skellt í eitt svona. Ekki þarf að eiga hrærivél heldur er upplagt að nota guðsgafflana og setja svo bara í ofninn.

 

Hráefni

  • 2 – 3 græn epli
  • 1 msk kartöflumjöl
  • 1 stórt Mars-súkkulaði, 100 g marsipan eða 1½ dl hvítir súkkulaðidropar – þeir sem vilja sykurminna geta sleppt þessum lið

Ofan á

  • 1 dl hveiti
  • 2/3 dl púðursykur
  • 1 dl hafrar
  • ¼ tsk salt (½ tsk gróft salt)
  • 50 – 70 g smjör

Verklýsing

  1. Ofninn hitaður í 175°C (blástursstilling)
  2. Eplin rifin gróft ofan í leirpottinn eða eldfast mót. Kartöflumjöli blandað saman við með fingrunum
  3. Niðurskornu Mars-súkkulaði, marsipani eða súkkulaðidropum dreift yfir (má sleppa)
  4. Ofan á: Allt sett í skál og blandað saman með fingrunum (sérstaklega ef smjörið er hart) – annars má nota sleikju. Blöndunni dreift yfir eplin
  5. Látið bakast í 35 – 45 mínútur. Ég læt eplapæið yfirleitt bakast með lokinu á í 30 mínútur en tek það síðan af.  Það er ekki nauðsynlegt að hafa lokið yfir allan tímann og gott að geta fylgst með að pæið verði ekki of dökkt þegar líður á bökunartímann – þá má hylja það með bökunarpappír eða álpappír
  6. Borið fram með þeyttum rjóma og/eða ís

 

Eplapæ með Mars-súkkulaði

 

 

Eplapæ með marsipani

 

Leave a Comment

Netfang þitt verður ekki birt. Nauðsynlegir reitir eru merktir *

*