Nautasushi
Uppruni
Þessa uppskrift sá ég fyrir mörgum árum í heimsókn hjá kokki í sjónvarpinu. Ég hef bæði haft þennan rétt sem forrétt og á veisluborði. Ekki eru nákvæm hlutföll í uppskriftinni en yfirleitt hefur áætlað magn verið 3-4 stk. á mann.
Forvinna
Sósuna þarf að laga daginn áður og kjötið þarf að standa yfir nótt í kæli. Einnig má mylja sveppina áður.
Hráefni
Kjöt
- Góður biti af nautalund – millistykkið
- Trufluolía
- Þurrkaðir sveppir t.d. kóngssveppir
- Salt og pipar
- Graslaukur
Sósa (magn er háð styrkleika sósunnar)
- Ferskt chili
- Hvítlaukur
- Sultaður engifer
- Wasabi
- Sojasósa – (mest af henni)
Verklýsing
Kjötið – gert daginn áður
- Nautalundin er snyrt
- Trufluolía nudduð í kjötið og sett í skál eða poka – sett í kæli yfir nótt
Sósan – gert daginn áður
- Chili (núið saman til að losa fræin) saxað smátt
- Hvítlaukur og sultaður engifer saxað smátt
- Allt sett í skál ásamt wasabi og sojasósu
- Látið standa yfir nótt í kæli
Kjötið
- Þurrkaðir sveppir muldir í morteli ásamt salti og pipar
- Kjötið sett á þurra, mjög heita pönnu og brúnað á öllum hliðum
- Tekið af pönnunni og velt upp úr sveppakryddinu. Kjötið látið standa aðeins
- Skorið í mjög þunnar sneiðar – (mikilvægt)
- Hver sneið rúlluð utan um 2 stilka af graslauk
Geymsla
Hef geymt afgang í kæli og borðað með bestu lyst daginn eftir.
