Tahini sósa – góð með ýmsum mat
Uppruni
Þessa góðu sósu fékk ég hjá Gerðu vinkonu minni og bar hún hana fram með hnetusteik. Sósan átti mjög vel við steikinni en hún er einnig góð með kjöti eða ofan á salat. Mér þykir gott að útbúa skál með ýmiskonar grænmeti, salati, fetaosti, kjúklingabitum og dreifa sósunni yfir. Þá er kominn mjög góður hádegis- eða kvöldverður.
Forvinnsla
Sósan er betri ef hún fær að standa aðeins og því upplagt að útbúa hana daginn áður.
Hráefni
- 1 dl tahini
- 4 msk sítrónusafi
- 4 msk appelsínusafi
- 3 döðlur
- 1 msk tamari
- 1 hvítlauksrif
- ½ tsk karrý
- 1½ dl vatn
- Smá salt
Verklýsing
- Allt sett í matvinnsluvél og maukað saman
Geymsla
Geymist mjög vel í lokuðu íláti í kæli.
