Karrý og egg - indverskt
Uppruni
Fékk þess uppskrift hjá Gyðu en tengdasonur hennar býr alltaf til þennan rétt á jólunum. Hann er yfirleitt borðaður með tortillum eða naanbrauði sem er notað til að ná upp allri sósunni. Ég bjó hann til um daginn og hafði hann í ,,brunch“ – mér fannst hann góður og skemmtilega öðruvísi. Það er mjög gott að hafa heimagerðar tortillur með.
Hráefni
- Olía til steikingar
- 1 tsk ljós sinnepsfræ
- 1 tsk cumin
- 1 stór laukur – skorinn smátt
- 1 stór tómatur – skorinn smátt
- Saltflögur
- 1 tsk pipar
- 1 tsk túrmerik
- 2 tsk kóríander
- Chiliduft – smekksatriði
- 1 tsk garam masala
- ½ tsk steytt kardimomma
- 1 msk pressaður hvítlaukur ( 3 – 4 hvítlauksrif)
- 4 egg – soðin (suðan látin koma upp og eggin soðin í 7 – 9 mínútur)
- 100 – 150 ml kókosmjólk
Verklýsing
- Olíu hellt í djúpa pönnu eða pott. Sinnepsfræ sett í og hitað á meðalhita þar til fræin eru hætt að boppa
- Cumin bætt við – hrært í 1 – 2 mínútur
- Saxaður laukur settur út í og hrært í – ekki hafa pönnuna á háum hita þar sem þetta á meira að malla. Laukurinn steiktur þar til hann verður glær
- Niðurskornum tómötum bætt við – hrært í 3 – 4 mínútur þangað til þeir hafa maukast
- Salt, pipar, túrmerik, kóríander, chiliduft, garam masala og kardimomma sett út í og allt hrært vel saman í 4 – 5 mínútur
- Hvítlauki bætt við og hrært í u.þ.b. 1 mínútu
- Eftir 1 – 2 mínútur er kókosmjólkinni hellt yfir
- Egg skorin í tvennt og sett í pottinn (sjá mynd)
- Látið malla á lágum hita í 5 – 10 mínútur
Meðlæti
Tortillakökur