Robertos - jólaleg kaka frá Eriku
Uppruni
Uppskriftin kemur frá Eriku og er kakan mjög jólaleg og góð. Best að hún standi í 1 – 2 daga til að hún fái að jafna sig en það er mikill kostur við undirbúning á veislu eða matarboði að hafa eftirréttinn tilbúinn svona snemma.
Hráefni
- 100 g smjör – brætt
- 200 g kransakökumassi – rifinn gróft
- 2 egg
- 2 dl sykur
- 2 dl hveiti
- 1 tsk vanillusykur
- 1 dl rúsínur
- 6 þurrkaðar apríkósur – saxaðar fínt
- 2½ msk koníak, viskí eða romm
Verklýsing
- Ofninn hitaður í 160°C (yfir- og undirhiti)
- Rúsínur bleyttar upp í viskí, koníaki eða rommi
- Egg og sykur þeytt vel saman
- Bræddu smjöri hellt saman við (ath að smjörið má ekki vera of heitt)
- Afgangi af hráefni bætt við eggjablönduna og hrært saman
- Deigið sett í 24 cm smurt form eða bökunarpappír settur í botninn
- Bakað í 45 – 50 mínútur – látið standa (undir plastfilmu eða kökuhlíf) í tvo daga áður en kakan er borin fram
Meðlæti
Erika er yfirleitt með kökuna eina og sér en hún er líka góð með þeyttum rjóma.
