Bessastaðakökur
Uppruni
Einu sinni bjó mamma alltaf þessar kökur til á jólunum. Þær eru góðar og barnvænar og punta upp á jólakökudiskinn. Unga fólkinu á heimilinu finnst þær mjög góðar.
Hráefni
Botn
- 190 g smjör
- 225 g hveiti
- 125 g sykur
- 1 tsk lyftiduft
Marengs
- 2 eggjahvítur
- 100 g sykur
- ½ tsk lyftiduft
Ath. það þykir mjög gott að hafa mikið af marengs á kökunum á mínu heimili – stundum þarf ég að búa til aðeins meira t.d. eina og hálfa uppskrift
Verklýsing
Botn
- Allt hráefni er hnoðað saman og búnar til rúllur sem eru u.þ.b. 3 cm í þvermál. Gott að búa deigið til daginn áður og láta rúllunar standa yfir nótt í kæli (í plastfilmu)
- Hver rúlla er skorin í u.þ.b. 2 mm þykkar sneiðar. Gott að búa til allar sneiðarnar og leggja þær á bökunarpappír áður en byrjað er á marengsinum
Marengs og samsetning
- Eggjahvítur, sykur og lyftiduft þeytt saman. Þeytt áfram í 5 mínútur eftir að marengsinn virðist tilbúinn (í heildina u.þ.b. 7½ mínútu)
- Ofninn hitaður í 150°C (undir- og yfirhiti)
- Marengsinn settur í sprautu og toppur sprautaður á hverja köku. Betra að sprauta strax á allar kökurnar en ekki láta marengsinn bíða í sprautunni
- Kökurnar bakaðar í 20 mínútur í miðjum ofni
[/ingredients]
Geymsla:
Geymast vel í boxi – þarf ekki að hafa í kæli.
