Kraumandi kartöfluskúffa
Uppruni
Þessi uppskrift kemur frá Frú Sigríði.
Hráefni
- 500 – 600 g kartöflur
- 2,5 – 3 dl matreiðslurjómi
- U.þ.b. 80 g rifinn ostur t.d. Mozarellaostur
- Niðurskorinn hakkaður laukur (má sleppa)
- Salt og pipar
Verklýsing
- Kartöflur skolaðar og flysjaðar ef með þarf
- Ofninn hitaður í 180°C
- Kartöflur skornar í þunnar sneiðar og settar í smurt eldfast mót
- Niðurskorinn eða hakkaður laukur settur yfir (má sleppa)
- Matreiðslurjóma hellt yfir
- Ostinum er að lokum dreift yfir
- Kryddað með salti og pipar
- Kartöfluskúffan sett í ofninn og látin vera í u.þ.b. 45 mínútur. Til að forðast að kartöfluskúffan brenni má setja álpappír yfir þegar fallegur litur er kominn á hana. Ef notaður er Hönnupottur er upplagt að nota lokið
- Ef kartöfluskúffan er fyrr á ferðinni en annar matur í máltíðinni má kippa henni út úr ofninum og láta síðan aftur inn 15-20 mínútum áður en borðað er
Gott með
Þessi réttur passar vel með grilluðu kjöti. Það er óþarfi að búa til sósu með matnum þegar karftöfluskúffa er á borðum.
