Súkkulaðibitakökur - þessar þykja bestar
Uppruni
Í nokkur ár hefur Heba reynt að finna góða uppskrift að smákökum sem líkjast sem mest Subway smákökunum enda eru þær í uppáhaldi hjá henni – loksins hefur henni tekist það. Hún fann grunninn að þessari uppskrift á blandinu, prófaði sig áfram og breytti hér og þar.
Hráefni
- 150 g smjör – við stofuhita
- 150 g ljós púðursykur
- 50 g púðursykur
- 50 g sykur
- 1 pakki Royal karamellubúðingur (duftið)
- 1 tsk vanillusykur
- 2 egg
- 210 g hveiti
- 1 tsk matarsódi
- 175 g suðusúkkulaði – saxað (má nota m&m í staðin)
Verklýsing
- Ofninn hitaður í 180°C
- Smjör, púðursykur, sykur og búðingsduft hrært vel saman
- Eggi bætt út í, einu í senn – mjög mikilvægt að hræra vel á milli
- Hveiti, matarsódi og vanillusykuri sigtað saman – hrært saman við. Að lokum er súkkulaðið sett út í
- Matskeið notuð til að setja deigið á bökunarpappír – kökurnar eiga að vera frekar stórar
- Bakað í 8 -12 mínútur (háð stærð)
