Frískandi íste – einfalt að búa til
Uppruni
Íste er mjög vinsæll drykkur hjá börnunum á heimilinu. Ég benti þeim á að það væri sniðugt að útbúa þeirra eigið íste þar sem það er örugglega bæði ódýrara og hollara en það sem fæst úti í búð. Dæturnar taka það síðarnefnda samt fram yfir hitt þannig að uppskriftin er ennþá í vinnslu 🙂
Hráefni
- ½ lítri vatn – soðið
- ¼ – ½ tsk matarsódi
- 1 bréf að ActiGreen (Original Green Tea Powder)
- 1 poki sítrónu Green Tea
- 2 msk hrásykur
- ½ litri kalt vatn
- Nokkur fersk myntulauf
- 2 – 3 sneiðar af lífrænni sítrónu
- Ísmolar
Verklýsing
- Vatn hitað að suðu og hellt í könnu – matarsódi settur út í. ActiGreen duftinu bætt við ásamt tepokanum og sykri – blandað saman. Köldu vatni hellt út í ásamt myntu og sítrónusneiðum – sett í kæli og látið standa í 15-20 mínútur. Te pokinn tekinn upp úr en val hvort myntan og sítrónusneiðarnar liggi áfram í blöndunni
- Þegar borið er fram er gott að bæta ísmolum í könnuna eða setja ísmola í glösin. Sítrónusneið og mynta punta mikið
Geymsla
Geymist 2 -3 daga í kæli.
