Kransakaka með vanillukremi
Uppruni
Hvernig finnst þér sambland af marsipani, vanillu og jarðarberjum hjóma? Ef þér líst vel á ættir þú að doka aðeins við því hér kemur uppskrift að góðgætinu. Það má klárlega leika sér með lögunina en einnig er lítið mál að stækka eða helminga uppskriftina. Á degi elskenda er t.d. tilvalið að móta nokkrar litlar hjartakökur eða eina stærri. Einnig er fallegt að bera fram litlar hringlaga kökur í staðinn fyrir eina … bara það sem hentar best hverju sinni.
Forvinna
Botninn má búa til daginn áður og sama á við um kremið. Þá er bara eftir að dreifa kreminu yfir og punta kökuna með berjum.
Hráefni
- 250 g kransakökumassi – rifinn
- 2 eggjahvítur
- 1 dl sykur
- 2 dl vanillukrem
- Íslensk jarðarber
- Skraut: Brætt súkkulaði eða flórsykur – má sleppa
Verklýsing
- Ofninn hitaður í 180°C (blásturstilling)
- Kransakökumassi, eggjahvíta og sykur sett í skál og hrært aðeins saman – ekki of lengi heldur bara þannig að hráefnin blandist saman
- Gera má ráð fyrir að þvermál kökunnar sé 18 cm. Rúmlega helmingur af deiginu settur á bökunarpappír – gott að nota hringlaga 20 cm kökumót eða hjartamót til að aðstoða við mótunina en einnig er hægt að teikna á pappírinn, snúa honum við og nota útlinurnar til að móta kökuna
- Til að dreifa úr deiginu er gott að nota fingurna eða blauta skeið og dýfa henni öðru hvoru ofan í vatn ef deigið loðir mikið við. Því næst er kantur mótaður með því að þrýsta með hendinni á hliðar kökunnar – sjá myndir
- Afgangurinn af deiginu er settur í sprautupoka og fallegir litlir toppar sprautaðir ofan á kantinn
- Bakað í 12 – 20 mínútur – mismunandi eftir stærð. Kakan látin kólna – gott að setja hana í plastpoka (eða klút) ef hún er bökuð daginn áður
- Vanillukrem smurt yfir miðjuna og jarðarberjum raðað fallega ofan á. Má skreyta með bræddu súkkulaði eða flórsykri en ekki nauðsynlegt
Geymsla: Kakan er geymd í kæli – góð daginn eftir og jafnvel tveimur dögum síðar
Vanillukrem í vinnslu – sjá uppskrift hér
Lítil hjötu í vinnslu….
