Sykurlítil og afbragðsgóð möndlukaka
Uppruni
Hér kemur ein án viðbætts sykurs og er afbragðsgóð… hún er alveg upplögð til að nota í eftirrétt t.d. með ís. Það má nota hring til að skera út litlar kökur og bera fram á eftirréttadiski með rjóma, ís eða því sem hverjum og einum dettur í hug. Kakan endist ágætlega og helst góð í nokkra daga.
Hráefni
- 250 g kransakökumassi (a.m.k. 63% af möndlum)
- 120 g smjör – við stofuhita
- 3 egg
- ½ dl möndlumjöl
- 1 lífræn sítróna – bara börkurinn
- Ögn af salti
- ½ dl möndluspænir
Verklýsing
- Ofninn hitaður í 175°C
- Bökunarpappir settur í botninn á 20 cm smelluformi
- Kransakökumassinn rifinn gróft og smjör hrært saman við. Eggjum bætt við – einu í einu og hrært á milli
- Sítrónubörkur rifinn fínt og honum blandað saman við deigið ásamt möndlumjöli og salti – hrært
- Deiginu hellt í 20 cm smelluform með bökunarpappír í botninum. Möndluspæni dreift yfir og bakað í 30 mínútur. Kakan látin kólna – litlar kökur skornar út
Framsetning: Góð ein og sér með rjóma eða sem hluti af efirrétti t.d. með ís eða hindberjasorbet
