Plómukaka - einfalt og gott
Uppruni
Á haustin þegar plómurnar falla af trjánum er upplagt að baka plómuköku þ.e.a.s. fyrir þá sem eru með slíkt í garðinum. Annars er bara að skella sér í ávaxtadeildina og ná sér í nokkrar plómur. Fékk þessa uppskrift hjá Áslaugu frænku minni þegar hún sá allar plómurnar sem plómutréð mitt gaf af sér þetta árið. Svo einfalt og gott í eftirrétt eða með sunnudgaskaffinu.
Hráefni
- 100 g smjör
- 175 g sykur
- 2 egg
- 1 tsk lyftiduft
- 150 g hveiti
- 6 – 8 plómur – fer eftir stærð
- Ögn af flórsykri
- Ögn af sítrónusafa
Verklýsing
- Ofninn hitaður í 175°C (blásturstilling)
- Smjör og sykur hrært saman þar til blandan verður létt og ljós. Eggjum bætt við – einu í einu
- Hveiti og lyftidufti hrært saman við
- Deigið sett í leirpott eða í eldfast fat/smelluform (u.þ.b. 22 – 24 cm þvermál)
- Plómur steinhreinsaðar og settar hér og þar ofan á deigið
- Aðeins af sítrónusafa og flórsykri dreift yfir
- Bakað í ofni í 45 mínútur
Meðlæti: Þeyttur rjómi eða vanilluís
Geymsla: Best nýbakað en einnig líka mjög gott í 1 – 2 daga. Bara að velgja aðeins og bera fram með rjóma eða ís.
