Sítrónuskraut
Uppruni
Fann þessa uppskrift í sænsku blaði. Þetta skraut hef ég notað á Sítrónuostakökuna með bláberjahlaupi (sjá – Kökur) og á Sítrónusörur (sjá – Jól og Smákökur).
Forvinna
Þetta má gera löngu áður og geymist vel í kæli.
Hráefni
- 2 lífrænar sítrónur
- 1 l sjóðandi vatn
- 2 dl kalt vatn
- 1 dl sykur
- 1 msk sýróp
- Sykur – utan á sítrónustrimlana
Verklýsing
- Skola sítrónurnar og afhýða – langir strimlar. Hægt að nota kartöfluskrælara eða hníf. Reyna að hafa lítið af hvítu með – hún gefur beiskt bragð
- Skera strimlana í þunnar ræmur
- Hita vatn í potti og strimlarnir settir í sjóðandi vatnið – látið sjóða í u.þ.b. 5 mínútur og vatnið sigtað frá. Þetta er endurtekið þrisvar sinnum
- Sjóða vatn (2 dl), sykur og sýróp í potti á lágum hita. Setja strimla í vatnið og látið sjóða í 10 – 12 mínútur. Blandan þykknar nokkuð
- Takið pottinn af hellunni og látið kólna. Takið strimlana – einn og einn og látið mesta vatnið renna af á eldhúspappír
- Veltið strimlunum upp úr sykri
- Gott að setja í kæli í lokuðu íláti
Geymsla
Þetta geymist vel og lengi í kæli.