Dúndrandi ostakaka með þristum

Ostakaka með þristum - saðsöm og einföld

Servings: /Magn: 10 - 12 sneiðar
Time: 2 klukkustundir - þarf að vera í kæli yfir nótt
Difficulty: meðal
Print

Uppruni

Á heimilinu eru þristar vinsælir og því alveg upplagt að gera tilraunir með að hafa þá í ostaköku. Þessa útgáfu er búið að gera oft og er hún alveg glimrandi góð.

Forvinna

Upplagt að baka kökuna daginn áður þar sem hún þarf að fá að standa og jafna sig.

Hráefni

Botn

250 – 280 g Hobnob eða Lu kex
45 – 48 g smjör – brætt
1 tsk saltflögur

Fylling

300 g þristar
400 g rjómaostur (nota Philadelphia)
60 g sykur
1 dós sýrður rjómi
½ dl Kahlúa líkjör
2 msk kornsterkja (maizenamjöl)
3 egg

Krem ofan á

200 ml sýrður rjómi
2 msk flórsykur
1 msk Kahlúa líkjör

Þristasósa – ofan á

8 þristar – bræddir í vatnsbaði
U.þ.b. 1 dl rjómi

Verklýsing

Botn

Kex sett í matvinnsluvél – mulið fínt. Bræddu smjöri og salti bætt við – blandað saman
Sett í 20 cm smelluform (bökunarpappír í botninn) – láta mulninginn ná aðeins upp á kantana. Sett í kæli 30 mínútur

Fylling

Ofninn hitaður í 170°C (yfir- og undirhiti)
Þristar settir í skál ofan á pott með vatni (sjá mynd) – látið bráðna við lágan hita (ekki láta vatnið sjóða þannig að vantið skvettist)
Rjómaostur, sykur, sýrður rjómi og Kahlúa sett i skál – hrært saman
Egg og maísmjöl sett í skál og pískað saman – blandað saman við rjómaostablönduna með sleikju
Bráðnuðum þristum bætt við – blandað saman við með sleikju
Blandan sett ofan í smelluformið og bakað í 1 klukkustund
Kakan tekin úr ofninum

Krem ofan á

Sýrður rjómi, sykur og Kahúla líkjör sett í skál og hrært saman

Blöndunni dreift yfir heita kökuna. Kakan sett aftur í ofninn og bökuð í 10 mínútur. Slökkt á ofninum og hann opnaður aðeins – kakan látin kólna í klukkutund (má líka taka hana út strax)
Kakan sett í kæli í a.m.k. 4 klukkustundir
Kakan tekin úr forminu

Þristasósa

Þristar látnir bráðna yfir vatnsbaði. Rjóma hellt út í og hrært þart til allt hefur blandast saman. Kakan sett á kökudisk og blöndunni dreift yfir kökuna – kælt

Skreyting

Skreytt með niðurskornum þristum

Botn í vinnslu

Hráefni í fyllinguna

Þristar látnir bráðna

Fyllingin útbúin

Það er misjafnt hvernig kakan bakast – stundum þarf aðeins að lagfæra hana þegar hún kemur úr ofninum

Krem ofan á í vinnslu

Kremið sett ofan á heita kökuna og fer hún aftur inn í ofninn – ef brúnirnar eru háar og miðjan hefur sokkið aðeins (eins og á myndinni fyrir ofan) læt ég nægja að setja kremið í miðjuna og sleppi brúnunum