Stökkar sætkartöflufranskar að hætti Hebu
Uppruni
Heba á heiðurinn af þessari uppskrift og er hún sértaklega góð. Stökkar og góðar sætar kartöflur sem klárast alltaf.
Hráefni
- 1 kg sætar kartöflur – u.þ.b. 2 stk
- 3 msk olía (má setja meira)
- 1 hvítlauksrif
- 1½ tsk paprikukrydd
- 2 tsk Garlic Pepper (krydd)
- 1 tsk salt
- Nýmalaður pipar
Verklýsing
- Kartöflur flysjaðar og skornar niður ílangar – sjá mynd
- Olía sett í plastpoka/skál
- Hvílaukur pressaður og settur út í olíuna
- Krydd og salt blandað saman
- Kartöflubitunum hellt ofan í plastpokann/skálina – látið blandast vel saman
- Kryddinu bætt við og kartöflunum raðað í ofnskúffu
- Ofninn hitaður í 210°C (yfir- og undirhiti)
- Kartöflurnar bakaðar í 15 mínútur – teknar út og þeim snúið við. Settar aftur inn í 10 mínútur og þá eru þær tilbúnar – stökkar og fínar
