Ofnsteiktar gulrætur með timjan
Uppruni
Þetta meðlæti passar vel með ýmsu kjöti, grillmat eða grænmetisréttum. Uppskriftina fann ég í sænsku blaði og hef ég líka búið hana til með kartöflum. Góð tilbreyting með smá sætukeim.
Hráefni
Bakaðar gulrætur
- 800 g gulrætur
- 2 msk olía
- 2 msk eplaedik
- 1 msk púðursykur
- 1 – 2 msk ferskt timjan
- Saltflögur og nýmalaður pipar
Verklýsing
- Ofninn hitaður í 225°C (yfir- og undirhiti)
- Olíu, ediki og púðursykri blandað saman í stóra skál
- Gulrætur flysjaðar (nema þær séu lífrænar) og skornar í grófa bita. Sett í skálina og blandað saman
- Hellt í ofnskúffu með bökunarpappír – bakað í miðjum ofni í 15 mínútur
- Aðeins hrært í bitunum – timjan bætt við og látið vera í 5 mínútur til viðbótar. Gulræturnar eiga að vera smá stökkar
- Saltflögum og pipar stráð yfir – sett í skál og borið fram
Gulrætur og kartöflur
