Kransakökubitar með pistasíuhnetum
Uppruni
Þessi kransakökuútfærsla er með pistasíuhnetum. Hún er einföld og góð.
Hráefni
- 350 g möndlumassi – rifinn gróft
- 1 eggjahvíta
- 120 g flórsykur
- 100 g pistasíuhnetur – saxaðar fínt
- 100 g suðusúkkulaði
Verklýsing
- Eggjahvíta og flórsykur þeytt saman
- Möndlumassa bætt við – lítið í einu og hrært saman
- Deigið sett í kæli til að það jafni sig í u.þ.b. 20 mínútur
- Ofninn hitaður í 190°C
- Deigið rúllað í lengjur og þeim velt upp úr söxuðum pistasíum, skorið í hæfilega bita. Það er smekksatriði hversu stórir þeir eiga að vera – það er sniðugt að hafa þá bara einn munnbita. Ég hef stundum skorið bitana í tvennt þegar þeir eru bakaðar og sett súkkulaði á skurðendann
- Bökunarpappír settur á ofnskúffu og kökunum raðað þar á – bakað í u.þ.b. 10 -12 mínútur (fylgjast með að brenni ekki síðustu mínúturnar)
- Suðusúkkulaði sett í skál, látið bráðna í örbylgjuofni eða yfir heitu vatnsbaði
- Öðrum enda á kökunum dýft ofan í súkkulaðið – lagt á smjörpappír og afgangi af pistasíumulningi stráð yfir súkkulaðið
- Súkkulaðið látið harðna og kökubitarnir settir í box
Geymsla: Best að geyma kökurnar í lokuðu boxi í kæli.