Eplakaka með möndlumassa – í sérstöku uppáhaldi
Uppruni
Þessa eplakaka er í miklu uppáhaldi hjá okkur en uppskriftin kemur úr bókinn ,,Áttu von á gestum¨ sem kom út fyrir mörgum árum.
Hráefni
Deig
- 3 dl hveiti
- 100 g smjör – við stofuhita
- 2 msk sykur
- 4 msk kalt vatn
Fylling
- 100 g möndlumassi
- 3 – 4 græn matarepli
- 1 dl sykur
- 100 g smjör – við stofuhita
- 2 eggjahvítur
Verklýsing
- Öllu hráefni blandað saman og deig hnoðað. Geymt í kæli í u.þ.b. klukkustund
- Ofninn hitaður í 225°C – yfir og undirhiti
- Deigið flatt út í kringlótta köku og sett í eldfast fat (tertumót) sem er 24 cm í þvermál. Klætt að innan með deiginu
- Deigið skorið við kantinn og botninn pikkaður með gaffli
- Mönslumassi rifinn yfir botninn
- Eggjahvítur þeyttar og lagðar til hliðar. Hægt að nota sömu skál til að hræra saman sykur og smjör þar til blandan verður létt og ljós
- Epli rifin og sett út í sykursmjörblönduna
- Þeyttu eggjahvítunum blandað varlega saman við eplablönduna sem er síðan sett í fatið ofan á möndlumassann
- Það sem eftir er af deiginu er flatt út, skorið í ræmur og þær lagðar yfir – sjá mynd
- Penslað með hrærðri eggjablöndu og bakað neðarlega í ofninum í 35 mínútur. Athuga eftir 15 – 20 mínútur hvort kakan sé orðin dökk en þá þarf að leggja álpappír yfir hana
Meðlæti
Borin fram með rjóma eða ís.
