Brakandi og stökkar samlokur með kjúklingi
Uppruni
Uppskriftin varð til þegar við vorum að undirbúa fermingu Örnu. Okkur langaði að bjóða upp á samlokur. Við prófuðum okkur áfram og niðurstaðan varð sértaklega ánæguleg. Góðar samlokur sem hægt er að forvinna og þægilegt að útbúa. Það má einnig hafa þær helmingi stærri og verður þá hver og ein um leið meiri matur.
Forvinna
Pítubrauðin er hægt að baka áður og geyma í frysti. Kjúklinginn má elda daginn áður og geyma í kæli. Steinseljupestóið má gera daginn áður en betra að mauka lárperuna/avókadóið samdægurs.
Hráefni
Lítil pítubrauð
- 25 g pressuger ( u.þ.b. 6 g þurrger)
- 2 dl súrdeigsgrunnur (súrdeigsgrunnur – til að baka súrdeigsbrauð)
- 5 dl vatn – volgt vatn (alls eekki heitara en 37°C)
- U.þ.b. 10 – 12 dl brauðhveiti
- Smá hunang
- 2 tsk salt
Kjúklingur
- U.þ.b. 250 – 300 g kjúklingalundir
- 1 – 2 msk rautt curry paste
- ½ – 1 dl olía
Avókadóbitamauk
- 1 avókadó/lárpera – skorið í litla bita
- Safi úr lime
- ½ stk chili – fræhreinsað og saxað smátt
Steinseljupestó
- Tæplega 1 búnt steinselja
- Basilikublöð (má sleppa)
- 3 – 5 hvítlauksrif
- 1 msk sólblómafræ
- 1 – 2 msk rifinn parmesanostur
- 1½ dl olía
- Ögn af sítrónu
- Ögn af sætu t.d. hunang eða sykur
- Pipar og saltflögur
Sósa
- U.þ.b. 2 – 4 msk majones
- U.þ.b. 2 – 4 tsk rautt curry paste
Samsetning
- Rucolasalat
- Litlir tómatar – skornir í bita
- Olía
- Saltflögur
Verklýsing
Pítubrauð
Best að láta deigið hefast að lágmarki í 3 klukkutíma – lokahefing stendur yfir síðasta klukkutímann.
- Geri, súrdeigi, volgu vatni, hunangi og hluta af hveitinu (u.þ.b. 7 dl) blandað saman í skál – klútur (viskustykki) settur yfir og látið hefast í a.m.k. 2 klukkutíma – má vera lengur
- Afgangi af hveiti hnoðað saman við deigið ásamt saltinu – geymt á borðplötu með klút yfir í a.m.k. 30 mínútur
- Deiginu skipt í 36 – 40 hluta – u.þ.b. 40 g hver – og kúlur mótaðar. Ágætt að leyfa þeim að standa í u.þ.b. 20 mínútur
- Kökukefli notað til að móta pítubrauð – flatt út lauslega þ.e. ekki þrýsta of mikið á. Gott að hafa þau ekki of þunn
- Brauðin sett á bökunarplötur með bökunarpappír og klútur lagður yfir – látið hefast í 1 klukkustund
- Grillið hitað (hæsti hiti) – pítubrauðin sett á grillið og þau látin ná góðum lit báðum megin. Ef bakað er í ofni: Ofninn hitaður 255°C (yfir- og undirhiti). Brauðið bakað í u.þ.b. 10 mínútur
- Ef frysta á brauðin er betra að láta þau kólna, skera þau vel til hálfs (eins og pítubrauð eru skorin) og setja þau í lokaðan poka. Gott að taka þau út nokkru áður en á að nota þau
Kjúklingur
- Olía og curry paste hrært saman og hellt yfir kjúklinginn. Látið liggja í nokkrar klukkustundir eða yfir nótt
- Ofninn hitaður í 220 °C (yfir- og undirhiti)
- Kjúklingurinn settur á ofanskúffu og eldaður í u.þ.b. 5 mínuútur, snúið við og eldað í aðrar 5 mínútur – eða þar lundirnar eru steiktar í gegn
- Kjúklingurinn látinn kólna og skorinn í litla bita
- Kjúklinginn má geyma í kæli í nokkra daga. Betra að taka bitana út aðeins áður en þeir eru notaðir svo þeir séu ekki ískaldir þegar þeir eru settir í samlokuna
Avókadóbitamauk og sósa
- Avókadó, chili og lime blandað saman – ágætt að mauka það aðeins svo að auðveldara sé að smyrja því á samlokurnar
- Curry paste og majones hrært saman í skál
Steinseljupestó
- Allt sett í matvinnsluvél eða öflugan blandara og maukað saman
Samsetning
- Pítubrauð er smurt með smá af sósunni öðru megin að innan. Steinseljupestó smurt á hina hliðina, nokkrir kjúklingabitar settir ofan í og avókadóbitamauki bætt í ásamt nokkrum blöðum af klettasalati og tómatabitum
- Samlokan sett í heitt samlokugrill og grilluð þar til kominn er fallegur litur á hana
- Tekin út, pensluð með olíu og saltflögum stráð yfir
- Það er sniðugt að setja bút af bökunarpappír á lokaða endann og halda þar í þegar samlokan er borðuð
Pressuger og súrdeigsgrunnur
Pítubrauð í vinnslu
Kjúklingur í vinnslu
Samlokur í vinnslu