Fragilité
Uppruni
Þessi uppskrift kemur frá mömmu. Einnig er hægt að nota kringlótt form og þá 2/3 af uppskriftinni.
Forvinna
Best að baka kökuna nokkrum dögum áður en hún er borin fram og geyma hana í kæli í a.m.k. 4 daga. Taka hana út 2-3 sinnum og láta hana standa við stofuhita í 1-2 klukkustundir.
Hráefni
Botnar
- 8 eggjahvítur
- 5 dl sykur
- 125 möndlumassi
- 2 msk mjólk
- 200 g möndluflögur
Fylling
- 400 g mjúkt ósaltað smjör
- 2 dl flórsykur
- 4 tsk neskaffi
- 4 tsk kakó
- 4 eggjarauður
Verklýsing
Botnar
- Eggjavítur þeyttar vel og sykri blandað í smám saman
- Möndlumassinn leystur upp í mjólkinni og því blandað við eggjahvítuhræruna (fyrst með smáhræru, síðan blandað við alla hræruna)
- Möndluflögum stráð yfir botnana
- Smurt á bökunarpappír, 4 botnar ca. 25 x 30 cm (gott að strjúka pappírinn áður með köldu smjöri)
- Bakað við 150°C í 25-30 mínútur
Fylling
- Mjúkt ósaltað smjör og flórsykur þeytt saman
- Kakó og neskaffi sigtað saman og bætt við
- Eggjarauðunum, einni í einu, bætt við
- Fyllingunni er smurt á alla botnana og þeim raðað saman
- Látið standa í kæli í nokkra daga
- Skreyting – 50 g af súkkulaði brætt og sett í plastpoka. Annað hornið klippt af og búið til lítið gat – sprautað á kökuna og hún skreytt
Geymsla
Kakan geymist mjög vel í kæli í marga daga.
