Pastasúpa með nautahakki
Uppruni
Hugmyndin kemur úr gamalli uppskrift en hún hefur tekið breytingum – alltaf mjög vinsæl hjá börnunum.
Forvinna
Það má forvinna allt en pastað er soðið í súpunni í lokin.
Hráefni
- 1 msk matarolía
- 2 hvítlauksrif – pressuð
- 400 g nautahakk
- 1½ – 2 l nauta- eða lambakjötssoð (heitt vatn + kjötkraftur – magn kjötkrafts mismunandi en það má sjá á pakningunni)
- 70 g tómatkraftur (u.þ.b. 3 msk)
- ¼ tsk cayennepipar
- 3 tsk óreganó
- 4 gulrætur – niðurskornar
- 125 – 220 g pastaslaufur
- Nokkrir dropar tapasco
- Pipar og salt
- Steinselja til skrauts
- Rifinn parmesanostur
Verklýsing
- Olía og pressuð hvítlauskrif hituð í potti á vægum hita
- Hakkið sett í pottinn og steikt
- Tómatkrafti, vatni og kjötsoði bætt við – hitað
- Cayennepipar, oreganó og gulrætur sett út í og hitað að suðu
- Pastaslaufur soðnar í súpunni í u.þ.b. 11-13 mínútur (sjá umbúðir)
- Bragðbætt með tapasco, salti og pipar
- Skreytt með steinselju og parmesansosti
