Spínatsalat - svo gott ofan á brauð
Uppruni
Þessi uppskrift kemur frá Elínu sem fékk hana frá Önnu vinkonu sinni. Þetta salat er alveg sérstaklega gott með nýbökuðu súrdeigsbrauði eða líka bara ofan á hrökkbrauðið. Salatið geymist vel í kæli og er bæði auðvelt og skemmtilega öðruvísi. Það getur verið smá maus að finna kryddið en skiptir heilmiklu máli fyrir bragðið – ég fann það í Fjarðarkaupum. Gott salat fyrir þá sem aðhyllast ketó – en þá má sleppa rauðlauknum.
Hráefni
- 250 g spínat (200 g frosið og 50 g ferskt)
- 1 dós vatnahnetur – skornar í litla bita
- 1 rauðlaukur – saxaður smátt
- 2 dl sýrður rjómi
- 2 dl majónes
- 2 tsk SalatMix
Verklýsing
- Vökvinn kreistur úr frosna spínatinu og ferska spínatið skorið smátt. Ef ferskt spínat er ekki til er allt í góðu að nota bara frosið
- Majónes og sýrður rjómi sett í skál og hrært. Söxuðum vatnahnetum og rauðlauk blandað saman við ásamt, kryddi og spínatinu – blandað saman
Gott með
Brauði eða hrökkkexi.
