Þorskbitar með sveppauppstúfi og dillkartöflum
Uppruni
Þessi réttur er heimatilbúinn. Ég set bara rasp og steiki fiskinn á einni hlið til að fá hana fallega og stökka – þannig reyni ég að minnka brasið. Einnig er hægt að snöggsteikja hann á öllum hliðum – svona spari.
Forvinna
Sveppauppstúfinn er hægt að búa til eitthvað áður og einnig kartöflurnar. Einnig má steikja fiskinn eitthvað fyrr og láta hann standa aðeins.
Hráefni
Fiskur
- 1 kg roðlaus þorskur eða einhver annar fiskur
- Rasp – t.d. heimagert brauðrasp
- Ítölsk hvítlauksblanda – frá Pottagöldrum
- Smjör og olía
Sveppauppstúfur
- Smjör til steikingar
- 250 g sveppir – skornir mjög smátt
- 1 dl hvítvín
- 2 msk þurrkaðir sveppir – muldir í morteli
- 1½ – 2 dl matreiðslurjómi
- 2 – 3 msk sósujafnari
- Soja – nokkrir dropar
- Salt/pipar
Kartöflur
- 1 kg kartöflur
- Dill – ferskt eða þurrkað
Verklýsing
Fiskur
- Ofninn hitaður í 180°C
- Fiskurinn er skorinn í bita. Brauðrasp sett í skál og kryddað með hvítlauksblöndu. Ein hliðin nudduð upp úr raspinu (ef vel á að gera við sig má velta öllum fiskinum upp úr raspinu)
- Olía sett á pönnu og hituð (á að vera frekar heit) – rétt áður en fiskurinn er settur á pönnuna er gott að setja aðeins af smjöri – gefur gott bragð
- Rasphliðin steikt á pönnunni – best að steikja snöggt (á frekar háum hita) þannig að hún fái fallega brúnan lit. Fiskurinn settur í eldfast fat þar sem steikta hliðin snýr upp. Ef fiskurinn er steiktur á öllum hliðum er er hægt að bera hann fram strax
- Fiskurinn eldaður í ofninum í 8 – 12 mínútur (háð þykkt og stærð á fiskbitunum)
Sveppauppstúfur
- Smjör brætt á pönnu og sveppir snöggsteiktir á frekar háum hita (má samt ekki brenna)
- Hvítvín sett út í ásamt þurrkuðum sveppum
- Rjóma og sósujafnara bætt við – hrært í á meðan suðan kemur upp (svo að blandan þykkni)
- Kryddað með soja, salti og pipar
- Látið standa og hitað aftur rétt áður en uppstúfurinn er borinn fram
Kartöflur
- Kartöflur soðnar (sett í léttsaltað vatn – suðan látin koma upp og soðið í u.þ.b. 20 mínútur. Fer eftir stærð á kartöflum)
- Kartöflur steiktar upp úr smjöri og dilli með eða án hýðis