Döðlukaka Pálínu
Uppruni
Þessi uppskrift kemur frá ömmu minni og þótti hún alltaf góð. Í þá daga bleytti hún alltaf upp í döðlunum með soðnu vatni en núna er hægt að fá mjúkar döðlur og þarf því ekki soðið vatn. Kakan er mjög einföld og fljótleg og á bæði vel við með rjóma og ís.
Hráefni
- 2 egg
- 2 ½ dl sykur
- 2 ½ dl hveiti
- 2 ½ dl mjúkar döðlur (í kössunum)
- 1 tsk lyftiduft
- 1 tsk vanilludropar
Verklýsing
- Ofninn hitaður í 180°C
- Egg og sykur þeytt saman þar til blandan verður létt og ljós
- Lyftidufti og hveiti blandað saman og döðlur skornar smátt
- Blandað við eggja- og sykurhræruna með sleikju
- Vanilludropum bætt við í lokin
- Sett í 24 – 26 cm form og bakað í 20 – 30 mínútur
Geymsla
Kökuna má geyma við stofuhita og er hún jafn fín daginn eftir.