Samhangandi brauðbollur með muscovado og keimi af kanil
Uppruni
Ég fékk svipaðar brauðbollur á veitingastað í Boston. Mér fannst þær góðar og langaði að prófa. Það féll í kramið á heimilinu og það litla sem varð eftir af brauðinu var líka gott daginn eftir. Sniðugt brauð til að hafa í veislum og þar sem metta þarf maga.
Hráefni
Brauð
- 50 – 60 g smjör
- 4 dl mjólk
- ¾ – 1 dl hunang
- 750 – 800 g hveiti
- 2½ tsk ger
- 1-1½ tsk salt
- 1 egg – við stofuhita
- 4 msk olía
Ofan á
- Egg – til penslunar
- 30 – 40 g smjör
- ½ – ¾ dl dökkur muscovado sykur
- ½ -1 tsk kanill
Verklýsing
Brauð
- Smjör, mjólk og hunang sett í pott – hitað á vægum hita þar til hunangið er uppleyst og blandan er orðin 37°C – má vera aðeins kaldara en alls ekki of heitt
- Ger sett í skál og mjólkurblöndunni hellt út í – blandað saman
- Helmingi af hveitinu blandað saman við ásamt olíu, salti og eggi – ágætt að nota sleif
- Þegar hinum helmingnum af hveitinu er bætt saman við er betra að hnoða deigið í hrærivél – gott að setja ekki of mikið af hveiti í einu – hnoðað í nokkrar mínútur. Deigið á ekki að klístrast mikið við fingurna en það má heldur ekki vera of þurrt
- Klútur eða plastfilma sett yfir skálina og láitð hefast í 1½ – 2 tíma
- Álpappír settur í form – u.þ.b. 25 x 25 cm
- Deiginu skipt í 16 bita – kúlur mótaðar og raðað í formið
- Látið hefast í 1 – 1½ klukkustund – með klút yfir (þegar hér er komið sögu má alveg setja formið inn í kæli og geyma það í 8 – 12 klukkustundir)
- Ofninn hitaður í 225°C (undir- og yfirhiti)
- Egg pískað og penslað á deigið og bakað í u.þ.b. 25 mínútur. Fylgjast með að brauðið verði ekki of dökkt – ágætt að setja álpappír/bökunarpappír síðustu 10 mínúturnar
- Muscovado og kanil blandað saman í skál
- Þegar brauðið er komð úr ofninunum er smjör penslað á brauðið og kanilblöndunni stráð yfir
- Brauðið látið kólna í forminu
