Góð og fljótleg rúlluterta með súkkulaðismjörkremi

Góð og fljótleg rúlluterta með súkkulaðismjörkremi

  • Servings: /Magn: 12 sneiðar
  • Difficulty: auðvelt
  • Print

Uppruni

Þessi uppskrift kemur frá mömmu – gömul og sígild rúlluterta. Hún er fljótleg og barnvæn. Nú eru það barnabörnin sem baka þessa köku þegar þau langar í eitthvað gott.

Forvinna

Taka smjörið úr ísskápnum tímanlega þannig að það verði mjúkt.

 

Hráefni

Kaka

  • 3 egg
  • 2 dl sykur
  • 1 dl hveiti
  • ½ dl kartöflumjöl
  • 1 tsk lyftiduft
  • 2 msk vatn

 

Smjörkrem

  • 100 g smjör
  • 1½ dl flórsykur
  • 1 eggjarauða
  • 2 msk kakó
  • Rifið hýði af ½ lífrænni appelsínu (má sleppa)

Verklýsing

  1. Ofninn hitaður í 250°C (yfir- og undirhiti)
  2. Egg og sykur hvítþeytt – þannig að eggjahræran verði ljós og stíf
  3. Hveiti, kartöflumjöli og lyftidufti blandað saman í skál – hrært út í eggjahræruna með sleikju
  4. Vatni bætt við
  5. Deigið sett á smurðan bökunarpappír (olía eða smjör) í ofnskúffu – dreift jafnt út
  6. Bakað í 3 – 5 mínútur. Mikilvægt að fylgjast með þar sem kakan er fljót að verða dökk
  7. Hvolft á hveitistráðan dúk (viskustykki). Pappírinn dreginn af og ofnskúffan látin yfir meðan kakan kólnar

 

Smjörkrem

  1. Smjör og sykur hvítþeytt – oft er betra að nota hrærara en þeytara
  2. Eggjarauðu bætt í – þeytt/hrært saman
  3. Kakó og appelsínuhýði (má sleppa) sett út í – þeytt/hrært

 

Samsetning

  1. Fyllingin breidd yfir tertubotninn – gott að nota spaða eða hníf
  2. Kökunni rúllað upp og velt upp úr strásykri. Einnig er hægt að nota flórsykur og skreyta með bráðnu súkkulaði

 

Geymsla

Rúllutertan er best nýbökuð en hún er einnig mjög góð daginn eftir.

 

IMG_3637

IMG_3636

Mjög fljótlegur eftirréttur 

IMG_3639

 

 

Leave a Comment

Netfang þitt verður ekki birt. Nauðsynlegir reitir eru merktir *

*