Svo góð spergilsúpa með estragonkremi
Uppruni
Þessa uppskrift fann ég í dagblaði fyrir löngu og þykir hún alltaf góð. Ekki spillir fyrir að hún fellur í kramið hjá mörgum börnum. Ágætt að byrja á því að útbúa kremið og láta bragðið taka sig.
Hráefni
Súpa
- 20 g smjör
- 1 laukur – fínt saxaður
- 2 hvítlaukskrif – fínt söxuð
- 2 stórar kartöflur – afhýddar og skornar í teninga
- ½ – 1 l kjúklingasoð
- 400 g ferskur spergill eða góður úr dós
- Salt og svartur pipar
Estragonkrem
- 2 msk ferskt, estragon (má líka nota aðrar kryddjurtir) – 1 msk þurrkuð estragon
- 1 dl sýrður rjómi
- ½ tsk rifinn sítrónubörkur
- 2 msk rjómi
Verklýsing
Estragonkrem
- Rjóminn þeyttur, ferskt estragon saxað – þurrkað estragon mulið í morteli
- Sýrður rjómi hrærður í skál og þeyttum rjóma bætt við – blandað
- Sítrónubörkur rifinn og bætt við í skálina ásamt estragoni – hrært saman
- Sett í kæli
Súpan
- Smjör brætt á meðalhita í potti
- Laukur og hvítlaukur mýktir í smjörinu. Kartöflur afhýddar og skornar í teninga og bætt út í
- Soði hellt í pottinn og suðan látin koma upp – látið sjóða í 5 mínútur
- Ef ferskur spergill er notaður þá er gott að skera aðeins af afskurðinum – skera þá í litla bita og bæta við súpuna – sjóða í 6 – 8 mínútur
- Bragðbætt með salti og pipar
- Tek til hliðar efri endann af sperglinum. Súpan maukuð með töfrasprota eða í blandara – þannig þykknar súpan
- Heilu bitunum af sperglinum (aspasnum) blandað saman við. Estragonkremið borið fram með súpunni
Meðlæti
Bragðast vel með nýbökuðu brauði eins og hvítlauksbrauði
