Frábær gulrótarkaka
Uppruni
Þessa uppskrift sá ég í Gestgjafanum fyrir mörgum árum. Mér finnst hún alltaf jafn góð, einföld og fljótleg.
Hráefni
- 300 g hveiti
- 2 tsk lyfitduft
- 1½ tsk kanill
- ¾ tsk salt
- 1 tsk matarsódi
- 1 tsk vanilludropar
- 150-160 g púðursykur
- 2 dl olía
- Tæpur 1½ dl apríkósumarmelaði
- 3 – 4 (u.þ.b. 160 – 200 gr) rifnar gulrætur
- 2 egg
Ofan á
- 200 g suðusúkkulaði
- Örlítið af olíu
Verklýsing
- Ofninn hitaður í 175°C (blásturstilling)
- Þurrefnum blandað saman í skál – blandað saman
- Öllu öðru hráefni blandað saman við – hrært
- Deigið sett í 22 – 24 cm (þvermál) smelluform með bökunarpappír í botninn. Bakað í 35 – 40 mínútur. Gott að stinga með prjón í kökuna til að sjá hvort hún er bökuð (ef loðir mikið deig á prjóninum þarf hún aðeins lengri tíma)
- Kakan tekin úr forminu og látin kólna. Sett á kökudisk
- Suðusúkkulaði brætt í vatnsbaði eða í örbylgjuofni. Ögn af olíu hrært saman við og hellt yfir kökuna – skreytt með rifnum gulrótum
Meðlæti
Borið fram með rjóma.
Geymsla
Ég hef geymt kökuna við stofuhita með glerhjúp yfir. Kakan er merkilega góð nokkurra daga gömul.
Mjög góð kaka, er nú uppáhaldskakan hennar Guðrúnar Katrínar.