Ketókaka í tilraunaeldhúsinu
Uppruni
Það hefur verið smá erfitt að finna ketó eftirrétt fyrir ketó fólkið í kringum mig. Þessi kaka er mjög einföld og fljótleg. Þar sem ég hef aldrei notað sætuefni áður tók nokkurn tíma að finna þessi í sætuefnafrumskóginum en það tókst. Kakan er góð og einnig dagana á eftir.
Hráefni
Botn
- 2 egg
- 1 dl sæta sem er með sömu áferð og hvítur sykur (nota Xylo Sweet – mynd fyrir neðan)
- ¼ dl hnetusmjör
- 50 g smjör
- ½ dl möndlumjöl
- 1 tsk lyftiduft
Ofan á
- 3 dl rjómi
- 1 msk súkkulaði síróp (nota Torani chocolate flavoring syrop)
- ½ tsk vanilluessens
Verklýsing
Botn
- Ofninn hitaður í 180°C
- Egg og sætan þeytt saman
- Smjör og hnetusmjör sett út í – hrært aðeins
- Möndlumjöli og lyftidufti bætt við – hrært
- Deigið sett í 20 cm smelluform (smjörpappír í botninn) og bakað í u.þ.b 25 mínútur
- Kakan látin kólna
- Kakan tekin úr forminum og sett á disk
Ofan á
- Rjóminn þeyttur ásamt vanilluessens – súkkulaðisætunni blandað saman við
- Rjóminn settur ofna á og kakan skreytt með möluðum hnetum og/eða ögn af kakói stráð yfir
Hvar fæst Xylo-sweet sykur í dag ?
Ég keypti hann síðast í Fjarðarkaupum 🙂
er súkkulaði sírópið eingöngu notað í rjómann og ekki kökuna?
hvenær er vanillu essensið notað?
Hæhæ,
Súkkulaðisírópið fer bara í rjómann (ekki í kökuna) og líka vanilluessensið. Takk fyrir ábendinguna – þarf að laga þetta 🙂
Kveðja, Hanna