Brauðterta með túnfisks- eða laxasalati
Uppruni
Brauðterturnar hennar mömmu eru sígildar. Hún var mikið með þær í veislum hér á árum áður og þegar ég var yngri fannst mér þær miklu betri en majónesbrauðterturnar sem voru algengar þá. Mér þykja þær ennþá jafngóðar og eru þær reglulega á óskalistum barnanna minna þegar verið er að skipuleggja veisluhöld. Mamma hefur alltaf skorið terturnar í þunnar sneiðar áður til að auðveldara sé að ná í sneið. Ýmsar fljótlegri útfærslur hafa verið gerðar sem eru jafnframt mjög góðar. Til dæmis er salati smurt á rúllutertubrauð sem er síðan skorið í þunnar sneiðar eða útbúnar litlar samlokur.
Hráefni
Túnfisksalat í 2 brauðtertur
- 3 dósir túnfiskur í olíu
- 1 dl majónes
- 1½ dl sýrður rjómi
- 1½ laukur – saxaður smátt
Laxasalat – í 2 brauðtertur
- 450 g reykur lax – saxaður smátt
- 6 soðin egg (egg sett í kalt vatn og suðan látin koma upp – soðið í u.þ.b. 10 mínútur á meðalhita) – eggin skorin í smáa bita
- 1 dl majónes
- 1½ dl sýrður rjómi
Skreyting – hugmyndir
- Persilja – söxuð smátt
- Sýrður rjómi
- Ólífur – skornar í þunnar sneiðar
- Þunnar laxasneiðar (gott að kaupa laxinn sneiddan)
- Graslaukur – saxaður smátt
Brauð
- 3 samlokubrauð, skorin langsum – nægir í 4 brauðtertur. Einnig er hægt að kaupa rúllutertubrauð eða útbúa litlar samlokur sem eru skornar horn í horn þannig að úr verði 4 litlar samlokur
Verklýsing
Túnfisksalat
- Öllu blandað saman – gott að láta salatið taka sig yfir nótt
Laxasalat
- Laxinn saxaður smátt
- Öllu hráefni blandað saman í skál
Samsetning
- Skorpan skorin af öllum hliðum brauðsins (upplagt að nota hana í brauðrasp)
- Útbúnar eru 4 brauðtertur. Túnfisksalatið sett í tvær tertur og laxasalatið í hinar. Brauðterturnar skornar í þunnar sneiðar – best að nota skurðarvél til að sneiðarnar verði allar jafnþykkar og skurðurinn fallegur – plasti breitt yfir og sett í kæli yfir nótt
- Þunnu lagi af sýrðum rjóma smurt á brauðterturnar og persilju stráð á hliðarnar og ofan á. Auk þess er skreytt með ólífum, þunnum vorlaukssneiðum eða bara einhverju sem gefur fallegan lit og á vel við
