Pastaréttur í miklu uppáhaldi
Uppruni
Þessi réttur er kannski ekki sá allra hollasti en komst næst því að vera eins og pastarétturinn sem hægt er að kaupa hjá Jóa Fel og er í uppáhaldi hjá börnunum á heimilinu.
Hráefni
- Smjör (til steikingar)
- ½ rauð paprika
- ½ græn paprika
- 100 – 150 g sveppir
- 1 bréf skinka í strimlum
- 1 dós Campbell sveppasúpa
- 2-3 dl matreiðslurjómi / rjómi
- 50 – 75 g rjómaostur
- ½ – 1 msk kjúklingakraftur eða grænmetiskraftur
- ½ – 1 tsk hvítlaukssalt
- Pipar
- Hægt að bæta við öðru grænmeti, pepperóni eða baconi eftir smekk
- 500 g pasta
Verklýsing
- Paprikan skorin í litla bita og sveppir í sneiðar
- Smjör brætt á pönnu. Paprika og sveppir steikt í smjörinu á meðalhita í nokkrar mínútur
- Skinkan sett út í og steikt aðeins
- Sett í skál. Gott að setja vökvann, sem getur komið af grænmetinu og skinkunni, á pönnuna
- Campbell súpan sett á pönnuna
- Rjómaosti, rjóma, grænmetiskrafti og hvítalukssalti bætt við
- Grænmetinu og skinkunni bætt við þegar sósan er orðin jöfn
- Pipar settur í og rétturinn smakkaður til
- Látið krauma á lægsta hita á meðan pastað er soðið. Þegar pastað er tilbúið er því blandað saman við. Gott að hella smá skvettu af pastasoðinu í sósuna
Meðlæti
Sem dæmi: Hvítlauks- og ólívubrauð.
