Girnilegar súkkulaðibombur
Uppruni
Þessar kökur bakar Heba stundum sér til skemmtunar og öðrum til ánægju. Þær hafa tekist vel hjá henni en hún hefur lent í vandræðum með að halda kökunum heilum þegar hún hvolfir þeim á disk. Það er erfitt að hvolfa einni og einni köku, þegar margar eru í sama forminu, þannig að henni finnst best að baka 1 – 2 í einu í mjúkum silikonformum. Eins og svo oft áður á hér vel við að æfingin skapar meistarann. Yfirleitt gerir Heba eina prufuköku til að finna nákvæman bökunartíma. Hún vill að kakan sé þannig að úr henni renni þegar skorið er í hana.
Forvinna
Stundum notar Heba ekki allt deigið og bakar hún þá seinna úr afganginum. Hægt er að geyma deigið í kæli í einhvern tíma og baka svo rétt áður en kökurnar eru bornar fram.
Hráefni
- 200 g suðusúkkulaði
- 200 g smjör
- 2 dl sykur
- 4 egg
- 1 dl hveiti
- 1 dl kakó
Verklýsing
- Ofninn hitaður 225°C (yfir- og undirhiti)
- Súkkulaðið saxað. Smjörið brætt í potti á lágum hita og súkkulaðið sett út í – blandað saman þar til súkkulaðið hefur bráðnað
- Egg og sykur þeytt vel saman þar til það verður létt og ljóst. Blandað saman við súkkulaðismjörið
- Hveiti og kakó blandað saman og sigtað út í. Hrært varlega þar til jafnan er slétt og laus við kekki
- Deiginu hellt í lítil bökunarfrom
- Bakað í ofni í 7 – 8 mínútur. Best að baka eina köku fyrst og sjá hvernig hún verður – ofnar geta verið misheitir
- Skera varlega með hníf meðfram forminu til að losa kökuna og hvolfa henni varlega á disk. Flórsykri stráð yfir
Meðlæti
- Frosnir ávextir hitaðir í potti með öritlu hunangi
- Ís
- Bláberjaís
- Þeyttur rjómi