Kjúklingaburritos
Uppruni
Þessa uppskrift hef ég átt lengi og ég man ekki hvaðan hún kemur. Það er mjög langt síðan ég útbjó þennan rétt síðast en ég ákvað að prófa hann um daginn. Hann er tiltölulega einfaldur og barnvænn. Ágætis tilbreyting þó að mér finnist meira gaman að búa til mat alveg frá grunni. Ég var beðin um að gera þennan rétt fljótt aftur!
Hráefni
- 3 – 4 kjúklingabringur
- Garlic pepper
- Olía til steikinga
- 1 gulur laukur – saxaður
- 1 – 2 hvítlauksrif – söxuð
- 1 chilipipar – fræhreinsaður og saxaður
- ½ paprika
- 5 – 6 sveppir
- Brokkolí – eftir smekk (frosið eða ferskt)
- Ferskt kóríander – má sleppa
Sósa
- U.þ.b 100 g rjómaostur – philadelphia
- 1 krukka Taco sósa
Samsetning
- 1 dós sýrður rjómi
- Mexikanskar pönnukökur (tortillur)
- Mozarellaostur – rifinn
Verklýsing
- Kjúklingabringur skornar í bita kryddaðar með Garlic pepper – steiktar á pönnu. Lagt til hliðar
- Laukur, hvítlaukur, chilipipar, brokkolí, paprika, kóríander og sveppir steikt saman á pönnu
- Sósa: Rjómaostur og Tacosósa hitað í potti – hrært saman
- Kjúklingabitum bætt við steikta grænmetið og sósunni hellt yfir – blandað saman
- Ofninn hitaður í 180°C
- Hæfilegt magn sett í hverja og eina mexikanska pönnuköku og þær rúllaðar upp – raðað í eldfast mót
- Sýrðum rjóma smurt yfir pönnukökurnar og mozarellaosti dreift yfir
- Sett inn í ofn í 15 – 20 mínútur
Meðlæti
Hrísgrjón, salat, heimagert guacamole, heimagert salsa og/eða Nachos.
