Ceviche
Uppruni
Þessa uppskrift fékk ég hjá Dagnýju vinkonu. Þessi réttur hentar vel sem forréttur jafnt sem smáréttur á veisluborðið.
Forvinna
Þennan rétt er betra að gera daginn áður og jafnvel tveimur dögum áður.
Hráefni
- 1 kg fiskur (ýsa, keila, langa eða lúða)
- 250 ml limesafi
- 1/3 glas niðursoðinn japalenopipar
- 125 ml græn ólífuolía
- 2 tómatar
- 75 g grænar fylltar ólífur
- 1/4 bolli söxuð steinselja
- 1/4 bolli ferskur koriander (saxaður) má líka nota niðursoðinn ,,minced cilantro” ef ferskur fæst ekki
- 1 msk ferskt oregano
- 1 msk worcherstersósa
- 1 laukur
- 125 ml tómatsósa
- 1 hvítlauksrif
- 1 tsk salt
Verklýsing
- Fiskurinn skorinn í litla bita. Limesafa hellt yfir og látið bíða í að minnsta kosti 2 tíma við stofuhita. Hellið safanum af
- Annað hráefni saxað og blandað saman við fiskinn
- Geymið í lokuðu gler- eða plastíláti í ísskáp
Geymsla
Þessi réttur geymist ágætlega í ísskáp.
Meðlæti
Borið fram með t.d. nýbökuðu snittubrauði, Hvítlauks- og ólífubrauði, Sólarhringsbrauði eða Súrdeigsbrauð bakað með ást og umhyggju.