Jólasíldin hennar mömmu

Jólasíldin hennar mömmu

Jólasíldin hennar mömmu

  • Servings: /Magn: 2 stórar krukkur
  • Tími: 1½ klukkustund + liggur í mjólkurblöndu yfir nótt
  • Difficulty: auðvelt
  • Prenta

Uppruni

Mamma hefur lagað þessa síld um hver jól frá því að ég man eftir mér. Uppskriftina tók hún með sér frá Svíþjóð þegar við bjuggum þar. Glasmästar sild á sérstaklega vel við með Gotlandslimpunni eða með rúgbrauði.

Mamma mín lærði það af mömmu sinni að leggja síldina í mjólkurblöndu yfir nótt.  Þá var síldin sett í fat og mjólkurblöndu (½ mjólk og ½ vatn) hellt yfir þannig vel flyti yfir.  Fatið er svo geymt í kæli yfir nótt.  Þetta er ekki nauðsynlegt en mildar aðeins síldina.

Forvinna:

Síldin þarf að standa í 1 viku í kæli áður en hún er borðuð.

Hráefni

  • 4 stk síldarflök – keypt hjá fisksala (hvert flak skorið í ca 6 bita)
  • ½ rauðlaukur – skorinn í þunnar sneiðar
  • 6 – 10 cm blaðlaukur – skorinn í þunnar sneiðar
  • 1 – 1½ gulrót – skorin í þunnar sneiðar
  • 5 – 10 þunnar sneiðar piparrót
  • U.þ.b. 10 svört piparkorn
  • U.þ.b. 10 negulnaglar
  • 2 – 3 lárviðarlauf

Ath. Það er u.þ.b. jafn mikið magn af síld og hinu hráefninu þegar búið er að skera það niður

 

Lögur

  • 1 dl edik
  • 1 – 1½ dl vatn
  • 1 dl sykur
  • 5 hvítpiparkorn
  • 5 svartpiparkorn
  • 2 lárviðarlauf

Verklýsing

  1. Síladarflökin skorin niður í bita (u.þ.b. 1½ – 2 cm breiða)
  2. Annað hráefni skorið niður – kryddið látið fylgja með
  3. Allt sett í 2 – 3 stórar krukkur

 

Lögur

  1. Lögur settur í pott og hitaður þannig að sykurinn leysist upp.  Látið kólna og hellt síðan í krukkurnar
  2. Krukkunum lokað og þær geymdar í kæli í a.m.k. viku

Geymsla

Geymist mjög vel í lokaðri krukku í kæli.

Leave a Comment

Netfang þitt verður ekki birt. Nauðsynlegir reitir eru merktir *

*