Niðursoðnar rauðbeður
Uppruni
Nauðsynlegur hluti af jólunum eru rauðrófur og heimagerða lifrarkæfan með uppáhaldsbrauðinu mínu, Brauðinu góða – Gottlandslimpa. Hér kemur uppskriftin að rauðbeðunum hennar mömmu.
Forvinna
Hægt að útbúa snemma í desember.
Hráefni
Rauðrófur
- 1 kg rauðrófur/rauðbeður
- Piparrót
Lögur:
- 3 dl mataredik (Heidelberg)
- 2 dl vatn
- 1 dl sykur
Verklýsing
- Rauðrófur soðnar í u.þ.b. 1 klukkustund
- Hýðið nuddað af með höndum á meðan þær eru heitar (nota hanska)
- Rauðrófur skornar í sneiðar og þeim raðað í krukkur
- 3 – 4 litlir bitar af piparrót settir í hverja krukku
- Lögur útbúinn með því að sjóða saman mataredik, vatn og sykur þar til sykurinn er uppleystur
- Heitum leginum hellt yfir rauðrófurnar og lokið sett strax á. Látið kólna og svo sett í kæli
- Best að geyma í a.m.k. viku í kæli áður en þær eru bornar fram
Geymsla
Geymist mjög vel í kæli.
