Súkkulaðikonfekt með hnetum og sykurpúðum
Uppruni
Hef gert þessa uppskrift í ýmsum útfærslum fyrir jólin undanfarin ár. Uppskriftin er mjög einföld og fljótleg. Manninum mínum finnst betra þegar ég sleppi sykurpúðunum en börnin vilja hafa þá með.
Hráefni
- 200 g suðusúkkulaði
- 200 g rjómasúkkulaði
- 30 g smjör
- 100 g núggat
- 1 dl pistasíuhnetur
- 2 dl kasjúhnetur (cashewhnetur) – saltaðar eða ósaltaðar
- ½ dl gojiber
- ½ dl brasilískar hnetur
- 10 – 14 stk sykurpúðar (má sleppa)
- ¼ – ½ tsk saltfögur (má sleppa)
Verklýsing
- Suðusúkkulaði, rjómasúkkulaði, smjör og núggat látið bráðna yfir heitu vatnsbaði. (Heitt vatnsbað: Pottur með vatni settur á helluna og skál ofan á – athuga að vatnið sjóði ekki). Blandað vel saman
- Brasíliskar hnetur og kasjúhnetur – skornar gróflega. Sykurpúðar skornir í bita
- Hnetum og gojiberjum bætt við súkkulaðiblönduna – blandað saman
- Blandan aðeins látin kólna – sykurpúðum (skornir gróflega) bætt við og blandað saman
- Blandan sett í form eða skúffubotn með bökunarpappír undir og dreift úr henni – u.þ.b. 2 cm þykkt (þarf alls ekki að ná út í öll hornin)
- Sett inn í kæli í 2 klukkustundir. Ef settar eru saltflögur er gott að taka plötuna út eftir u.þ.b. 15 mínútur og strá saltflögunum yfir
- Tekið út og skorið í bita (sjá mynd fyrir neðan)
- Sett í box (ágætt að klippa niður bökunarpappír, setja í botn boxins og á milli laga – ekki nauðsynlegt)
- Geymt í kæli
Gott að strá saltflögum yfir