Dásamlegir kransakökubitar með núggati
Uppruni
Að baka kransakökubita með núggati er ein af jólahefðinni. Grunnuppskriftin er sú sama og í eldspýtukökunum hennar mömmu en þessar kökur eru fyrir þá sem eru hrifnir af núggati. Það er ekki flókið að gera þessar kökur og upplagt að bjóða upp á þær í saumklúbbnum eða í veislum. Stundum helminga ég uppskriftina ef ég þarf ekki svona margar. Þá tekur rúma klukkustund að baka þær.
Ath: Það er ekki sama hvaða marsipan er notað. Ég hef verið með það sem fæst í Fjarðarkaupum og þeir pakka sjálfir. Athuga að þetta er kransakökumassi (ekki hjúpmarsipan). Hef notað danska Odense marsipanið, með mismunandi árangri, en þar er sykur- og möndlumagnið mismunandi eftir tegundum. Kökurnar hafa lekið og orðið allt öðruvísi nema þegar ég hef notað marsipanið frá þeim með 63% möndlum – þá hefur það gengið glimrandi vel.Hráefni
Verklýsing
Athuga að þykkt og stærð á bitunum í lýsingunni eru meira til viðmiðunar
- Ofinn hitaður í 175°C (yfir- og undirhiti)
- Möndlumassi, sykur, eggjahvíta og vatn hrært saman – ekki hræra lengi heldur bara rétt þar til hráefnin hafa blandast saman
- Deiginu skipt í 4 parta og hver partur rúllaður í lengju sem er u.þ.b. 2 – 3 cm að þykkt
- Skorið í miðjuna á lengjunni þannig að góð rauf myndist – ágætt að opna raufina til að núggatið komist vel fyrir. Núggatið er skorið í lengjur (hæfilega þykkar fyrir raufina á lengjunni) – sett í raufina. Ágætt að klemma svo aðeins saman. Muldum möndluflögum dreift yfir
- Skorið í u.þ.b. 3 – 4 cm langa bita. Gott að laga aðeins skurðendana með fingrunum/hnífi þannig að kakan verði fallegri. Raðað á ofnskúffu/grind með smjörpappír
- Látið bakast í 12 – 17 mínútur. Mikilvægt að fylgjast vel með kökunum síðustu 5 mínúturnar – ofnar geta verið misheitir
- Kökurnar látnar kólna á grind
- Suðusúkkulaði sett í skál, hitað í örbylgjuofni eða yfir heitu vatnsbaði
- Gaffall notaður til að dýfa í bráðið súkkulaðið og dreift yfir bitana – mjög frjálsleg skreyting. Það sem eftir er að bráðna súkkulaðinu má hella á bökunarpappír – strá möndlum og salti yfir. Láta harðna – brjóta í bita og gæða sér á 🙂 Einnig má nota afganginn til að útbúa súkkulaðikonfekt með lakkrískeimi
- Súkkulaðið látið harðna og kökubitarnir settir í box. Best að geyma þá í kæli – þar geymast þeir vel og lengi
Súkkulaði brætt í vatnsbaði eða í örbylgjuofni – gaffall notaður til að dreifa súkkulaði yfir bitana
Fjöldi stykkja getur verið mismunandi eftir stærð bita. Hér er sama uppskrift notuð en fjöldi bita í annarri skúffunni rúmlega 60 en nær 100 í hinni.
Hef notað þennan kransakökumassa