Einföld og góð gulrótarkaka
Uppruni
Þessi gulrótarkaka hefur alltaf verið í miklu uppáhaldi hjá mér. Uppskriftina sá ég upphaflega í bókinn Af bestu lyst en hún hefur tekið breytingum. Kakan er góð nýbökuð en alls ekki verri í 3 – 4 daga eftir það.
Hráefni
Kakan
- 3½ – 4 dl sykur
- 2 dl matarolía
- 4 egg
- 4½ dl hveiti
- 2 tsk lyftiduft
- 1½ tsk matarsódi
- 1 tsk salt
- 2 tsk kanill
- 1 tsk múskat
- ½ tsk kardimomma
- 2 tsk vanillusykur
- 6 dl gulrætur – rifnar
- Rúmlega ½ dl kurlaður ananas (safanum hellt af) – upplagt að rífa frosið ananas (með rifjárni) ef það er til í frystinum
- 2½ dl hnetur – grófsaxaðar
Krem
- 200 g rjómaostur
- 150 g flórsykur
- Safi úr ½ sítrónu
Verklýsing
- Ofninn hitaður í 180°C
- Egg, olía og sykur hrært saman í skál
- Hveiti, lyftiduft, matarsódi, salt, kanill, múskat og vanillusykur – öllu blandað saman og bætt við í skálina
- Annans, gulrætur og hnetur – sett út í og hrært saman við
- Deigið sett í stórt smurt (eða með bökunarpappír) form eða ofnskúffu og bakað í klukkustund
- Kakan kæld og losuð úr forminu
Krem
- Rjómaostur og flórsykur hrært saman ásamt sítrónusafa – sett yfir kalda kökuna
