Pestó á pönnuristuðu brauði – upplagt að nota 1- 3 daga súrdeigsbrauð
Uppruni
Tilraun með þetta pestó var gerð á heimilinu og lukkaðist hún alveg glimrandi vel. Uppskriftin verður sett hér inn svo að hún glatist ekki. Pestóið eitt og sér er mjög gott og á vel við margt en er frábært með pönnuristuðu súrdeigsbrauði, ferskum tómötum og saltflögum.
Hráefni
- U.þ.b. 1 dl klettasalat
- U.þ.b. 1 dl persilja
- U.þ.b. 2 dl fersk basilika
- 3 – 4 msk extra virgin olía
- 1 – 2 hvítlauksrif
- ¼ tsk salt
- 2 msk parmesanostur
- Tæplega 1 msk sítrónusafi
- 1 avókadó – vel þroskað
Meðlæti
- Sneiðar af súrdeigsbrauði (upplagt að nota 1 – 3 daga gömul súrdeigsbrauð)
- Olía til steikingar
- Saltflögur
- Litlir tómatar – skornir í báta
- Örlítið af hunangi (má sleppa)
Verklýsing
- Allt hráefni sett í matvinnsluvél og maukað saman
- Olía hituð á pönnu og brauðið ristað á heitri pönnunni – saltflögum stráð yfir
- Pestó sett á brauðin og tómatbitum dreift yfir
- Þeir sem vilja geta sett smá hunang yfir
