Rauðbeðumauk - gott með brauði eða sem meðlæti
Uppruni
Ég átti soðnar rauðbeður og ákvað að útbúa mauk úr þeim og hafa sem meðlæti. Það lukkaðist bara ágætlega og er sérstaklega gott með nýbökuðu súrdeigsbrauði.
Forvinna
Soðnar rauðbeður geymast ágætlega í kæli. Best að bíða með fetaostinn þar til alveg í lokin.
Hráefni
- 150 g bakaðar rauðbeður
- ½ – 1 msk kapers – saxað
- ¼ dós sýrður rjómi (u.þ.b. ½ dl)
- 1 – 2 hvítlauksrif
- Fetaostur – magn eftir smekk
- Kapers til skrauts
- Saltflögur
- Sólblómafræ
- Nýmalaður pipar
- Steinselja til skrauts
Verklýsing
- Rauðbeðan settar inn í 200°C heitan ofn og bakaðar í 1 klukkustund
- Rauðbeðan afhýddar og skorin í bita
- Rauðbeðubitarnir, hvítlaukur og kapers – maukað saman í matvinnsluvél
- Sýrðum rjóma blandað saman við og blöndunni dreift á fat – fetaostur mulinn og honum stráð yfir
- Skreytt með heilum kapers, pipar, saltflögum og steinselju
Á vel við
Sem meðlæti með ýmsum réttum en einnig á nýbakað brauð. Þeir sem kunna að meta rauðbeður geta borðað þetta með öllu mögulegu.
