Góð sósa með kjöti og fiski
Uppruni
Þessa uppskrift fann ég í sænsku blaði. Mikilvægt er að láta sósuna standa – þá verður hún bragðmeiri. Hún er góð með kjúklingi og grillkjöti en á líka vel við fisk.
Forvinna
Sósuna þarf að búa til daginn áður og láta hana standa yfir nótt í kæli.
Hráefni
- 1 dós sýrður rjómi
- 40 g klettasalat (rucola)
- 25 g parmesanostur – rifinn fínt
- 1 – 2 hvítlauksrif – pressuð
- 1 msk olía
- ½ msk sítrónusafi
- Örlítið salt
Verklýsing
- Hluti af sýrða rjómanum og klettasalatið sett í skál með háum köntum. Hrært saman með töfrasprota
- Afgangi af sýrðum rjóma og öðru hráefni bætt við og blandað vel saman
- Geymt í kæli í sólarhring
Á vel við
Grillmat og fisk.
