Melónu- og bláberjahristingur - einfaldur og góður
Uppruni
Ég bjó þetta til þegar ég sat uppi með melónu sem var ekki lengur fersk. Skar hana niður, setti í nokkur box og geymdi í kæli. Var því nokkuð snögg að útbúa hristinginn. Ég á líka mikið af lausfrystum bláberjum í frystinum og ákvað að skella þessu saman. Þessi drykkur er í algjöru uppáhaldi enda góð og holl fylling í magann. Upplagt að tína bláber í ágúst og eiga í frysti.
Hráefni
- 500 g vatnsmelóna
- 100 – 150 g frosin íslensk bláber eða hindber
- Viðbót: t.d. lífræn engiferrót (með hýðinu), sítróna/lime og/eða fersk mynta
Verklýsing
Hráefni sett í blandara – hellt í glös og er tilbúið til drykkjar