Mjúkir snúðavafningar með kanil
Uppruni
Þessa snúða fékk ég hjá Eriku en þeir eru bæði mjúkir og fallegir. Þeir líkjast Heimsins bestu snúðum.
Forvinna
Auðvelt að baka og setja í frystinn – alltaf gott að geta náð í einn og einn.
Deig
- 1 bréf þurrger (rúmlega 3 tsk)
- 120 g smjör
- 5 dl mjólk
- 1 dl sykur
- ½ tsk salt
- 1 – 2 tsk steyttar kardimommur (líka gott að nota heilar kardimommur og mylja þær í morteli)
- 1 egg
- 13 – 14 dl hveiti
- 1 egg – til penslunar
- Skraut (má sleppa): Perslusykur eða sykur
Fylling - á hvorn helming
- 50 g smjör – mjúkt
- 1½ msk kanill
- U.þ.b. ¾ dl sykur
Deig
- Mjólk og smjör hitað í 37°C (ekki heitara) – best að bræða smjörið fyrst og hella mjólkinni út í)
- Ger, kardimommur, sykur og salt sett í skál og blandað saman
- Volgri mjólkurblöndunni hellt í skálina
- Setjið nokkra dl af hveiti í skálina og hrærið með sleikju
- Bætið síðan egginu við (gott að hafa það við stofuhita) – hrærið
- Afgangi af hveiti bætt við og hnoðað þar til deigið verður þannig að hægt sé að koma við það án þess að það klístrist mikið – rakur klútur settur yfir skálina
- Látið hefast í 45 mínútur á stað þar sem ekki er trekkur
Fylling, penslun og bakstur
- Deiginu er skipt í tvennt – flatt út ca 25×50 cm
- Mjúku eða bræddu smjöri dreift/penslað yfir deigið
- Kanilsykri stráð yfir (kanil og sykri blandað saman)
- Deiginu skipt í tvennt og annar helmingurinn lagður ofan á hinn (þannig að verði ca 12,5 x 50 cm)
- Pizzuskeri notaður til að skera grunnt í deigið og ákveða jafna hluta. Skipting: byrja t.d. á að skipta í miðju og skipta síðan hverjum helmingi í þrjá hluta og að lokum hverjum þriðjungi í tvo. Það eiga að koma 24 snúðar úr öðrum helmingnum eða samtals 48. Einnig er hægt að hafa snúðana stærri og skipta hverjum helmingi í tvo hluta og síðan aftur í tvo þannig að út koma 16 snúðar úr hvorum helmingi eða 32 í heildina
- Þegar búið er að ákveða stærð hverrar ræmu er notaður pizzuskeri aftur til að skera alveg niður – betra að skera eina ræmu í einu og klára að vinna með hana. Skera ræmuna síðan í tvennt en stoppa áður en komið er að brún (sjá mynd)
- Víxla þeim þannig að snúra myndast og rúlla upp í bollu – (sjá mynd)
- Snúðunum raðað á smjörpappír á bakstursplötu og þeir látnir hefast aftur í 30 mínútur með klút yfir
- Ofn hitaður í 250°C (yfir- og undirhiti)
- Að lokum eru snúðarnir penslaðir með pískuðu eggi (má píska örlítla mjólk með). Grófum perslusykri eða sykri stráð yfir snúðana
- Baka í u.þ.b. 5 – 8 mínútur (fer eftir stærð snúðanna)
Deigið fyrir og eftir hefingu
